ការជ្រើសរើស ក្រវ៉ាត់ក និង ការស្លៀកពាក់ស

ការជ្រើសរើស ក្រវ៉ាត់ក និង ការស្លៀកពាក់សមសួន

ក្រវ៉ាត់កជាផ្នែកមួយនៃសម្លៀកបំពាក់ដែលជួយអោយបុរសៗមើលទៅសង្ហារសមសួន។ ប៉ុនែ្តវាទាមទារអោយមានការជ្រើសពណ៌ដែលសីុនឹងសម្បុរស្បែក ព្រមទាំងសាច់ក្រណាត់ដែលងាយក្នុងការប្រើប្រាស់ និងប្រើបានយូរ។

១.យល់ដឹងពីក្រវ៉ាត់កដែលមានគុណភាព

ជ្រើសសាច់ក្រណាត់៖ ក្រវ៉ាត់កល្អគឺធ្វើពីសូត្រ ព្រោះវាទន់រលោង ខុសពីប្រភេទក្រណាត់ដ៏ទៃដែលងាយទួកខ្ទេច។ សូមស្ទាប់មើលក្រវ៉ាត់កដែលលោកអ្នកបំរុងនឹងទិញ ក្រវ៉ាត់កដែលមានគុណភាពគឺត្រូវបានដេរឡើងដោយ ៣ស្រទាប់។ ក្រវ៉ាត់កដែលអន់គឺមានតែ ២ស្រទាប់ទេ។
ក្រណាត់ទ្រនាប់ក្រវ៉ាត់ក៖ បំណងដែលយើងពិនិត្យមើលទ្រនាប់កណ្តាលរបស់ក្រវ៉ាតក់ក គឺដើម្បីជៀសវាងការជ្រួញ។ឡែនជាប្រភេទទ្រនាប់លេខមួយ។ គ្រាន់តែកាន់ស្មានពីទម្ងន់គឺដឹងពីគុណភាព។ ឡែនសុទ្ធ១០០%មានទម្ងន់រាងធ្ងន់។

ដេរដោយដៃ៖ ក្រវា៉ត់កដេរដោយដៃគឺរក្សារាងបានល្អជាងការដេរដោយម៉ាសីុនទាំងស្រុង។ ប៉ុន្តែសូមមើលធ្នេរដែលមាំពំុងាយរសាត់ខូច។

២. ការចងនិងកំពស់របស់ក្រវា៉ត់ក៖

មិនត្រូវចង់តឹងឬធូរពេក។ ដោយចង់ចាំថាវាជាផ្នែកលម្អរ មិនមែនជាខ្សែចងបន្តឹងកទេ។
ក្រវ៉ាត់កគួរមានប្រវែងត្រឹមក្បាលខ្សែក្រវា៉ត់ បន្ទាប់ពីចងរួច។ ប្រវែងទទឹងក្រវា៉ត់កគួរមានទំហំ ចន្លោះពី ៥.៥ ស.ម ទៅ ១០ ស.ម អោយសមតាមទំហំខ្លួនរបស់អ្នក។ សំរាប់មូ៉តសាមញ្ញ គួរយកទទឹងដែលសមនឹងទទឹងកបើក នៃអាវគ្រ័រសេរបស់អ្នក។

៣. ក្រណាត់ក្រវ៉ាត់ក ត្រូវនឹងក្រណាត់អាវ

ពាក់ក្រវ៉ាត់កឡែន នឹង អាវគ្រ័រសេឡែនគ្រើមឬអាវធំក្រាស់ធ្ងន់ៗ
ក្រវ៉ាត់កធ្វើពីសូត្រពាក់សមនឹងអាវធំរាងស្តើងនិងរលោង (Business suits)

៤.រើសពណ៌

ពណ៌មានរាប់ពាន់ច្រើនជាងការស្រមៃរបស់យើងទៅទៀត។ ជៀសវាងការពាក់ក្រវ៉ាត់កហើយមើលទៅដូចថ្លុកកំប្លែងនោះ ជាដំបូងគួរយកក្រវ៉ាត់កដែលមានពណ៌ស្រដៀងនឹងអាវធំរបស់អ្នក។ ប្រសិនបើក្រវ៉ាត់ករបស់អ្នកមានឆ្នូតឬក្រឡានោះ សូមធ្វើយ៉ាងណាអោយមានពណ៌មួយដូចនឹងពណ៌របស់អាវធំ។ ក្នុងកម្មវិធីផ្លូវការ លោកអ្នកតម្រូវអោយពាក់ក្រវ៉ាត់កមានពណ៌ស្រអាប់ឬដិតជាងពណ៌អាវ។
ក្រវ៉ាត់កមានពណ៌ក្រម៉ៅគឺសមរម្យនឹងសម្លៀកបំពាក់ផ្លូវការ (Business suits)។ ពាក់វាជាមួយអាវពណ៌ កាគី ឬ ពណ៌ខៀវ ឬ ប្រផេះ។
សំរាប់យុវជនវ័យក្មេងៗ ឬ អ្នករស់នៅស្រុកក្តៅដូចស្រុកខ្មែរយើងអាចពាក់ក្រវ៉ាត់កពណ៌រាងឆើតបន្តិច តែដាច់ខាតត្រូវជ្រើសពណ៌អោយសមនឹងពណ៌អាវ និង ឈុតអាវធំ។

៥.សម្បុរស្បែកនិងពណ៌ក្រវ៉ាត់ក

អ្នកមានសក់និងសម្បុរស្បែករាងក្រម៉ៅ គួរពាក់ក្រវ៉ាត់កពណ៌ភ្លឺៗ
អ្នកមានស្បែករាងជ្រះ ឬ ស ត្រូវពាក់ក្រវ៉ាត់កស្រអាប់ជាងស្បែករបស់ខ្លួន

ចំណាយតិច...ខាត់ស្បែកស្អាតបែបធម្មជាតិ

មនុស្សភាគច្រើនយល់ខុសថា ស្អាតទាល់តែ ស។ នោះជាេហតុធ្វើអោយ នារីៗចំណាយថវិកានិងពេលវេលាទៅហាងម៉ាស្សាខាត់ស្បែក។ លុះដាច់ខែ ស្រាប់តែដាច់ខ្សល់ សល់តែក្រឡម្ស៉ៅខាត់ស្បែក? ក្រុមការងារ ស្ទីល សូមណែនាំវិធី ចំណាយតិច តែស្អាតដូចគ្នា មិន ស ខុសពីសំរស់ធម្មជាតិ តែស្រស់ថ្លា ហើយមិនមានជាតិគីមីនាំអោយរំខាន់ដល់សុខភាព ។ ស្ករ មានអត្ថប្រយោជន៍លើសពីរស់ជាតិផ្អែមរបស់វា។ ....អានបន្ត»»»

មុខមិនជ្រួញ៖ ការព្យាយាមរយៈពេល ៤០ឆ្នាំ មានលទ្ធផល

លោកស្រី តេស គ្រីស្ទាន (Tess Christian)មានអាយុ ៥០ឆ្នាំហើយ គាត់តែងតែជួបនឹងភាពរីករាយ និង កំប្លែងគួរអោយអស់សំណើច ប៉ុន្តែរយៈពេល ជិត ៤០ឆ្នាំគាត់ប្តេជ្ញាចិត្តមោះមុតមិនសើច ឬក៏ញញឹមឡើយ បើទោះជាក្នុងថ្ងៃខួបកំណើតកូនស្រីរបស់គាត់ក៏ដោយ។ នេះក៏ព្រោះតែលោកស្រីចង់រក្សាមុខមាំហ្នឹង ដូរយកភាពស្រស់....អានបន្ត»»»